Finwaver.com
Your school or business runs better on finwaver.com. Sign up for free one (1) week try.
1.
Kɛji mɔ ko jɛ gbɛfaa eba lɛ, aflaaa lɛ ja aha lɛ ...... da.
sɛi kɛ nu
niyenii kɛ nu
kɔmi kɛ shitɔ
nu kɛ able
2.
Mɔ folo ŋaa maŋ onukpa akɛ ......
ha manye
he manye
te tɛŋŋ?
te oyɔɔ tɛŋŋ?
3.
Mɛɛ kusum nɔ atsɔɔ kɛhereɔ abifao awoɔ weku mli?
Hɔmɔwɔ
Yarafeemɔ
Kpojiemɔ
Yɛlɛyeli
4.
Bi klɛŋklɛŋ ni afɔ ji?
Kromɔ
Tsintɔ
Nakutso
Abanuma
5.
Gbɛi ni baa nɛɛ fɛɛ lɛ, gbogbabi agbɛii bɛja ......
Owuade
Yakayoo
Abotsi
Dedei
6.
Miwu ji Ataa Oko, enyɛminuu Tawia ŋa ji Ofoole. Mi mɛni ji Ofoole?
Mikwafa
Miwuyo
Mishaayo
Minua
7.
Gbɛi ni nuu kɛhaa egbogbohekalɔ ji ......
enyɛ
eŋa
eshaayoo
ebienyɛ
8.
Mitsɛ ji Ataa Kwei, minyɛ awo ji Awo Kaile. Mi mɛni ji Ataa Kwei kɛ Awo Kaile?
Miwekumɛi
Mishiatsɛmɛi
Mifɔlɔi
Minanemɛi
9.
Beni Awo Atswei kɛ Ataa Ajei bahi shi lɛ, ekɛ binuu kome ba. Ataa Ajei mɛni ni Awo Atswei binuu lɛ?
Ebanuma
Ebinuu
Enabi
Eshieŋtsɛ
10.
Mitsɛ Ataa Ofori nii ji Ataa Akpɔ. Ataa Akpɔ feɔ ......
minanashishi
minanakaka
minii
minanakansoa
11.
Te atseɔ maŋtsɛ fai ni ebuɔ lɛ tɛŋŋ?
Akekre
Sɛŋfai
kotofai
kuliŋbai
12.
Mɛɛ maŋ lumɔ taa gbatsu naa?/p>
Asafoiatsɛ
Maŋkralo
Wulɔmɔ
Shipi
13.
Kɛji agu hɛɛ yɛ faa ko mli lɛ Gamɛi kɛɛ ......
ahɛɛɛ
ama kumfi
aŋa naa
atsinaa
14.
Te nibii nɛɛ ateŋ nɔ ni adesatalɔ hiɛɔ be mli ni eeta adesa yɛ jara nɔ?
Tsi
Tu
Tso
Bɔlɔ
15.
Wuɔbi ni nyiɛɔ enyɛ nane he lɛ, emiɔ aga shwuɔ. Abɛ nɛɛ wieɔ ...... he
heshitswaa
humifeemɔ
hiɛnɔkamɔ
mɔdeŋbɔɔ
16.
Akpaaa mɔ ...... aŋaaa mɔ.
mama
atade
mɔ shi
fai
17.
Mɔ ko kɛ eshigbeemɔhe efeee ......
ehejuuuhe
enitsumɔhe
ewɔɔhe
eyelihe
18.
Akɛni Gamɛi yɛ ŋshɔhe hewɔ lɛ, amɛ nitsumɔ kome ni amɛshwɛɛɛ he kwraa ji ......
wuoyaa
gbɔbiyaa
niloo
nihoomɔ
19.
Blema lɛ, nyɔji komekomei ...... feɔ afi kome ha Gamɛi.
nyɔŋma
nyɔŋma kɛ ekome
nyɔŋma kɛ enyɔ
nyɔŋma kɛ etɛ
20.
Aharabata nyɔɔŋ lɛ nɔ lɛ, kɔyɔɔ gbiŋ ...... ko tswaa.
ŋmaii
ŋanii
huyɛɛ
blɛoo
21.
Yɛ Otsokrikri nyɔɔŋ lɛ nɔ lɛ akɛni ...... waa diɛŋtsɛ hewɔ lɛ, bai kɛ ŋa nɔ tsei gbiɔ wesee.
hulu tsoɔ
nugbɔ nɛɔ
kɔɔyɔɔ tswaa
eyaa jara
22.
Gamɛi aklɛŋklɛŋ nyɔɔŋ ji ......
Manyawale
Antɔŋ
Gbo
Otukwajaŋ
23.
Nibii ni he hiaa yɛ ŋkaiyeli mli lɛ eko eji ......
able
akwei
ŋmɛ
daa
24.
Kɛji maŋ onukpa ko miiyee ŋkpai lɛ, ejieɔ ...... yɛ etokota mli.
eniji
enaji
ehiŋmɛi
emusu
25.
Te wiemɔ hiao lɛ shishi lɛ?
Aba mli
Nakai
Lɛɛlɛŋ
Kaashe gbeyei
26.
Yɛ ŋkpaiyeli mli lɛ mɛɛ hewalɛ tsɛ atsɛɔ klɛŋklɛŋ?
Sisa
Shikpɔŋ
Jemawɔji
Nyɔŋmɔ
27.
Aahi kome ni Gamɛi yɔɔ ji, gbekɛ taaa onukpa sɛi nɔ, no lɛ ......
ehe baaye
ebaagbo mra
elaŋmɔ baafuu
ebaada mra
28.
Kɛji binuu kɛ enyɛ awo ni fɔ lɛ na bɔlɛ lɛ, ......
etsɛ musu eha ehe
ebaana nii
ehiɛ baadi lɛ
ehiŋmɛi baajwa
29.
Nɔ ko yɛ eŋɔɔɔ ni ayeee hu shi kɛji onine sa he lɛ ja odɛŋ sa onaa.
Siklitɛ
Aiskrim
La
Abonua
30.
Agbaa ajenu ejaakɛ ......
afiteɔ be
ehaa miishɛ
etsiɔ hɔmɔ naa
ewoɔ mɔ anihao
31.
Kooloo ni akɛfɔɔ adesatamɔ waa yɛ Gamɛi asateŋ ji ......
kwakwe
anaanu
onufu
waa
32.
Adesa toinɔwomɔ wiemɔ lɛ ji ......
ajenu loo
mikata otoi sɛɛ
mita nyɛ loo
ha onaa aya
33.
Kusum ni afeɔ kɛsaa yoo kɛhaa gbala mlibotemɔ ji ......
yeianii
hiianii
otofoshii
toigbuu
34.
Gamɛi asateŋ lɛ yoo kɛ ewu gbeleɔ kukwɛi kɛji asaa ......
abi ashi
amɛteŋ bei
aha esɛɛnii
aha lɛ boi ekpaa yoo
35.
Shikwɛɛ heboi sɔŋŋ nɛ bɛja ......
kɔlaŋmɔɔ
mama kɛ adasaŋ
lapaŋmɔɔ
shɛɛti kɛ trɔsa
36.
Gamɛi ashikwɛɛ niyenii ni amɛnyaa he lɛ eko ji
otim
ogwao
fotoli
akpliji
37.
Gbɔmɛi nɛɛ ateŋ namɔ ji biyoo ni ji ekpaa?
Tsotsoo
Fofo
Badu
Ashami
38.
Tsɔɔmɔ gbɛi Ahia lɛ shishi
Etsɛ sumɔɔ nitsumɔ.
Etsɛ bɛ jeŋ.
Enyɛ efa gbɛ.
Enyɛ bɛ jeŋ
39.
Gamɛi fɛɛ asateŋ lɛ awoɔ kromɔ binuu gbɛi akɛ ......
Tɛte
Nɔte
Odate
Ajete
40.
Mɛni gbi gbɛi akɛwoɔ gbekɛ nuu ni afɔ lɛ soo?
Kwaku
Kwami
Kwao
Kwashi
Ha saji ni akɛshwie ohiɛ nɛɛ ateŋ ekome pɛ hetoo. Ohetoo lɛ falɛ ashɛ wiemɔkulibii 150.
a)
Mɛni Siniɔ Hai Sukuu (S.H.S) obaasumɔ ni oya kɛji ogbe Juniɔ Hai Sukuu (J.H.S) naa? Kɛ nibii ejwɛi atsɔɔ naa.
b)
Akɛ onukpa yɛ oklasi li, kɛ nibii ejwɛi atsɔɔ naa nɔ hewɔ ni esa akɛ oklasibii lɛ aba sukuu yɛ be ni sa mli.
c)
Ŋmaa wolo oyaha onaanyo ko yɛ suku kroko ni ogba lɛ sukuunyo ko ni osumɔɔ esane waa lɛ he sane. Kɛ nibii enyɔ atsɔɔ naa.
d)
Ŋmaa nibii ejwɛi kɛtsɔɔ naa akɛ mɔyii ni afo mli yɛ sukuu lɛ, okɛ mla wolɔi lɛ kpaa gbee aloo okɛ amɛkpaaa gbee.
Kanemɔ sane ni baa nɛɛ, ni oha sanebimɔi ni nyiɛ sɛɛ lɛ fɛɛ hetoo.
Jeee nuu ko ni yɔɔ ŋamɛi enyɔ. Ekɛ eŋa nukpa lɛ hi shi afii enumɔ dani ekɛ mɔ ni ji enyɔ lɛ hi shi. Sɛɛkpee ŋa lɛ kene ni, shi onukpa lɛ yɛ bii etɛ.
Nuu lɛ hulɔ ni, eyɛ ŋmɔji wuji etɛ. Ekɛ enyɔ ha eŋamɛi lɛ koni amɛtsu mli nii. Mɔ ko mɔ ko tsuuu enaanyo nɔ mli nii fe akɛ enɔ pɛ. Yoo kene lɛ ŋmɔshi nibii shwere fe enienyɛ nɔ lɛ. Ena edɛŋ kpɔtɔɔ ni no ha ehiɛ kpa bi ni ebɛ lɛ nɔ. Ekɛ eshika lɛ eko heɔ atadei ewoɔ ebienyɛ bii lɛ.
Bei kplaŋŋ sɛɛ lɛ, hene nɛɛ yɔse akɛ ebienyɛ lɛ kɛ lɛ sharamɔ etsake kwraa. No hewɔ lɛ, ekpa nibii kpakpai ni efeɔ ni nomɛi haa ehiɛ baa nyam yɛ ebienyɛ lɛ hiɛ lɛ feemɔ.
Sane kome hu ji akɛ naakpɛɛ nɔ ko tee nɔ yɛ eŋmɔ lɛ mli. Kooloi komɛi bɔi eŋmɔshi nibii lɛ ahiɛ kpatamɔ. Egba nɔ ni yaa nɔ yɛ eŋmɔ lɛ mli lɛ etsɔɔ ewu.
Ewu lɛ shara shi kɛtee ŋmɔ lɛ mli eyakwɛ ehiŋmɛiŋ. Ena ofrote agbo ko ni miikpata ŋmɔshi nibii lɛ ahiɛ. Oya ni egbala etu lɛ, esusu lɛ ni etswa lɛ. Naakpɛɛ sane kome ji akɛ ofrote agbo lɛ tsake ehe etsɔ gbɔmɔ adesa ni je eŋa nukpa lɛ. Nuu lɛ jwɛŋmɔ shɛɛɛ nɔ ni ena lɛ he kwraa.
a)
Ŋamɛi lɛ ateŋ namɔ ji kene?
b)
Bii enyiɛ nuu lɛ yɔɔ?
c)
Mɛni osusuɔ akɛ no hewɔ ni nuu lɛ kɛ eŋmɔji enyɔ lɛ ha eŋamɛi lɛ?
d)
Mɛni ji wiemɔ shwere ni akɛtsu nii yɛ sane lɛ mli lɛ shishi?
e)
Mɛni hewɔ ni kene lɛ kpa ebienyɛ bii lɛ wamɔ lɛ?
f)
Mɛni yoo lɛ yɔse akɛ miiya nɔ yɛ eŋmɔ lɛ mli lɛ?
g)
Mɛni hewɔ nuu lɛ tswa ofrote lɛ tu lɛ?
h)
Mɛni naakpɛɛ nɔ ko ba yɛ tutswaa lɛ sɛɛ?
i)
Mɛni nikasemɔ ona kɛjɛ adesa lɛ mli?
j)
Wo sane ni okane nɛɛ gbɛi. Gbɛi lɛ akafa fe wiemɔkulibii kpawo.
Ha saji ni abibii lɛ fɛɛ hetoo. Ŋmaa hetoo lɛ yɛ hetoohamɔ wolo lɛ nɔ. Kɛ tsamɔwiemɔ ni sa ahɔlɔ gbɛi ni ashishii yɛ saji ni baa nɛɛ mli li amli.
a)
Kwei ...... Awo baaba.
b)
Kɛ jeee Tsotsoo lɛ ...... Mole baatere adeka lɛ.
c)
Wɔna polisifonyo lɛ ...... wɔnako julɔ lɛ.
d)
Miyaŋ shia ...... mibɛ shika.
e)
Helatsɛ lɛ nyɛŋ enyiɛ ...... owo lɛ.
Ŋmalamɔ nɔkwɛmɔnɔ kome kome oha wiemɔkui nɛɛ eko fɛɛ eko.
f)
Kɔsoŋ gbɛi;
g)
Gbɛi sisa;
h)
Feemɔwiemɔ;
i)
Sutsɔɔlɔ;
j)
Najiaŋgbɛi.
Ŋmalamɔ wiemɔ ni kɛ wiemɔi ni afolɔ amɛshi lɛ shiɔ koŋ.
k)
Kaale ji gbekɛ yoo ni he yɛ fɛo.
l)
Tsɔɔlɔ lɛ kadi nitsumɔ lɛ oyayai.
m)
Nikaselɔ nukpa lɛ hiɛ kashi jogbaŋŋ.
n)
Hei! Aku ta shi yɛ biɛ.
o)
Abossey wo atade kakadaŋŋ ko.
Ŋmalamɔ sutsɔɔlɔ srɔtoi ni yɔɔ saji ni baa nɛɛ mli.
p)
Maŋtsɛ lɛ he okpɔŋɔ yɛŋ.
q)
Yoo ni fi duku wuɔfɔ su lɛ minyɛ ni.
r)
Wɔtsɔɔlɔ lɛ ji nuu ni hiɛ kashi lɛ.
s)
Nuu kpitioo lɛ ji lɔyafonyo.
t)
Maŋoi ni etsutsui bɛ tso lɛ nɔ.
Digital Address: GZ-033-0057
King Kotey Road
Teshie - Accra
Ghana
+233 59 993 7122
Finland
+358 44 986 0934
info@kuulchat.com
© Copyright 2015 - 2024
All Rights Reserved
