Finwaver.com
Your school or business runs better on finwaver.com. Sign up for free one (1) week try.
1.
Ahenfie nnipa no nyinaa sahene ne hwan?
Gyaasehene
Kurontihene
Ɔkyeame
Abrafoɔ
2.
Ɔbarima a wɔwo no Yawoada mmrane ne ......
Ɔkyini
Ɔkoto
Prɛko
Bodua
3.
...... yɛ amammerɛ a wɔyɛ de kae da titire bi a atwam wɔ abrabɔ mu.
Afahyɛ
Nsaguo
Bragoro
Anansesɛm
4.
Akanfoɔ nnabuo mu no, akwasidee si mpen ahe wɔ afenhyia baako?
Dummienu
Nkron
Du
Nson
5.
Antoakyire yɛ mmofra agɔrɔ no mu baako, ne botaeɛ titire ne sɛn?
Papayɛ
Ahweyie
Ahooden
Nnamfofa
6.
Deɛn nti na sɛ obi reyɛ adwuma a ɔto dwom?
Sɛnea ɛbɛyɛ a nkurofoɔ bɛte ne nne.
Sɛnea ɛbɛtwetwe nnipa abɛboa no.
Sɛnea ɛbɛyɛ a, nkurofoɔ bɛhunu sɛ ɔwɔ afuom.
Sɛnea ɛbɛyɛ a ɔnte brɛ
7.
Bosome a edidi soɔ yi mu deɛ ɛwɔ he na nsuo taa tɔ pa ara?
Ahinime
Ɔpɛnimaa
Ɔpɛpɔn
Ayɛwohomumɔ
8.
Ɔhene biara wɔ ne mpanimfoɔ a ɔne wɔn bu ne man. Saa mpanimfoɔ yi wɔfrɛ wɔn sɛn?
Mpapahweakwaa
Nhenkwaa
Atenankonnwa
Adikurofoɔ
9.
Hwɛhwɛ deɛ ɛda nso wɔ saa nsenkuo yi mu.
Konkosifoɔ
Ahayɔ
Kuayɔ
Kentenwonɔ
10.
Ɔbetwani de.... Na ɛfite ne mme.
mpapa
egya
tɛnee
berɛ
11.
Sɛ ɔman bi rekɔ sa a, sahene a ɔdi ɔhene anim pɛɛ no ne hwan?
Gyaasehene
Kyidomhene
Adontenhene
Benkumhene
12.
Tete no na mmarima taa sua nnwuma titire a wɔn ...... yɛ
abusuafoɔ
wɔfanom
agyanom
nananom
13.
Owupa ne sɛ ......
obi atɔ nsuom awuo
obi anya lore akwanhyia na wawu
obi atɔ ne kɔn na wawuo
etuo akum obi
14.
Ɛdi ...... ansa na abusuafoɔ ahyia ahwɛhwɛ owufoɔ agyapadeɛ.
nnansa
afe
adaduanan
15.
Edin bɛn na Akanfoɔ de frɛ berɛ a obi awuo de kosi sɛ wɔbɛkora no wɔ amusieɛ no?
Ayipa
Ayisee
Doteyie
Ahosiesie
16.
Sɛ ɔbarima bi si ɔbaa bi asiwa a, ......
wɔnnidi mmom
ɔne ɔbaa no nni nkɔmmɔ
ɔbaa no ne ɔbarima no tena faako
ɔmmfa ne ho nka ɔbaa no
17.
Berɛ bɛn na abaayewa bi so awadeɛ wɔ Akanman mu?
Obu ne nsa a
Owie sukuu a
Odi mfee dunsia a
Obɔbɔ nufoɔ a
18.
Hwan na ɔgu ɔbaa bi hyire?
Okunu
N'akumaa
N'ase
Ne babarima
19.
Ahosuo kɔkɔɔ a ɛwɔ Ghana frankaa mu no gyina hɔ ma ......
mogya a nananom hwie gu gyee ɔman no.
ɔman yi sika kɔkɔɔ
ɔman no kwaer birentuo
nnuaba ahodoɔ a ɛwɔ ɔman no mu.
20.
Sɛ wohunu sɛ duaa tua ɔbrani ano da a wɔregoro bra no a, na ɛkyerɛ sɛ, ......
obi asi no asiwa
ɔyɛ agyanka
ɔmaame wuie nkyɛreeɛ
ɔhene sɛ ɔbɛware no
21.
Sɛ obi di obi adeɛ a yɛka sɛ, ......
wapra n'akyi
watɔ boo
wafom n'agyapadeɛ
wafa ne tuo
22.
Akanfoɔ di adeɛ kɔ ...... Fam
agya maame
sewaa
agya
ɛna
23.
Wɔdidi wieeɛ no, ɔbaako kaa sɛ yɛma wo adware. Na ɛkyerɛ sɛ .....
wɔsere kwan
wɔbɛdi bio
wɔkɔdware
wɔreda no ase
24.
Nnyesoɔ a edidi soɔ yi mu deɛ ɛwɔ he na ɛnyɛ Bosompofoɔ nnyesoɔ?
Yaa Amen
Yaa Opeafoɔ
Yaa Oburu
Yaa Osua
25.
Akanfoɔ amammerɛ mu no wɔkyea firi ......
mpanin so
benkum so
nifa so
mfinimfini
26.
Yei ne ɔkwan a Akanfoɔ nam so gye ɔhɔhoo bi to abusua bi mu.
Awaregyeɛ
Dintoɔ
Asubo
Kradin
27.
Nsa ne nsuo a wɔde soso abofra tɛkrɛma so wɔ abadintoɔ mu no kyerɛ sɛ ɔmmɛyɛ ......
papa
akwadworɔ
anomum
nokwafoɔ
28.
Edin a edidi soɔ yi mu deɛ ɛwɔ he na ɛyɛ abusuadin?
Opoku
Adusa
Anto
Bediako
29.
Sɛ ɔkanni bi nya edin bi te sɛ Anane a, na ɛfiri .....
awoo nnidisoɔ
awommawuo
awosuo
atoyerɛnkyem
30.
Sɛ yɛka sɛ obi aka ntam a, na ɛkyerɛ sɛ onipa koro no aka ɔman, kuro anaa kuro bi ......
anigyesɛm
awerɛhosɛm
nkontomposɛm
nokwasem
31.
Sɛ obi ka ntam a .....
wɔbɔ n'aba so
wɔkye no dedua
wɔde no kɔ kooto
wɔhuro no
32.
Abɔdeɛ ahodoɔ a yɛte wɔn din wɔ anansesɛm mu no ne ......
Kuntunkunuku
anansesɛm su
anansesɛm agɔrɔ
anansesɛm mma
33.
Sɛ obi pae dua mu de mmerɛnkesono bɔ mu de si asaase bi so a, na ɛkyerɛ sɛ .....
obi atɔ asaase no
manso wɔ asaase no so
obi rebɛdɔ saa asaase no
asaase koro no yɛ obi na wadɔ
34.
Sɛ wowura efie bi mu na wɔabɔ nwera fitaa pɔ sɛn efie no abɔboano a, na ɛkyerɛ sɛ ......
wɔrehyia ayeforɔ
wɔresi ɔhene
wɔretwa odwira
obi awo ntaa wɔ saa fie no mu
35.
Anansesɛm yɛ ......
nsɛm a asisi pɛn
asisisem
bɔsremuka
anwonsem
36.
Deɛ Akanfoɔ taa de yi apaeɛ ne ......
nsuo
nsa dɔkɔdɔkɔ
ntunkum
nsa a ɛboro
37.
Onyankopɔn mmrane a wɔtaa de bɔ no wɔ apaeɛ mu no baako ne ......
Kuntunkunuku
Daasebrɛ
Ɔkɔforɔboo
Tweaduampɔn
38.
Sɛ mmaa rebɛfiri adowa nnwom ase a .....
wɔbɔrɔ adawuraa mu
wɔtwa aho
wɔto apoɔ
wɔto no prɛko pɛ
39.
Ɔkɔmfoɔ bɛn na atetesɛm kyerɛ sɛ ɔtumi de mpaboa foroo onyina?
Ɔkɔmfo Kyei
Aseibu Amanfi
Ansa Sasraku
Ɔkɔmfo Anokye
40.
Hwan na ɔde ne ho bɔɔ afɔreɛ maa Asanteman berɛ a, Asanteman ne Denkyira rekɔ ɔko no?
Osei Bonsu
Osei Tutu
Opoku Ware
Tweneboah Kodua
PART I
COMPOSITION
(30 Marks)
Yi deɛ edidi soɔ yi mu baako pɛ na fa nsɛmfua bɛyɛ 150 twerɛ ho asɛm
(a)
W'adamfo too nsa frɛɛ wo sɛ bra n'awoda apontoɔ ase. Biribi nti woantumi ankɔ. Twerɛ krataa kɔma no, na kyerɛ no deɛ nti a woantumi amma.
(b)
Na wogyina hɔ na ɔbarima bi firi edan bi so behwee fam. Ka deɛ wohunuie nyinaa.
(c)
Twerɛ ɔkyerɛkyerɛni a ɔyɛ adwumaden wɔ wo sukuu mu ho asɛm.
(d)
Twerɛ ayesɛm bi a ɛkɔwie sɛ, Nokoredie yɛ..
PART II
COMPREHENSION
(20 Marks)
Kenkan deɛ edidi soɔ yi na bua nsɛmmisa no nyinaa
Na maame bi wɔ ho a na ɔbesiesie efie a mete mu no nnawɔtwe biara. Afei na ɔhohoro nkyɛnseɛ mu san si nnoɔma nso. Ansa na mɛrekɔtena efie hɔ no na efiewura no ne no ayɛ n'akatua ho nhyehyɛeɛ dada. Nhyehyɛeɛ no ne sɛ, nna dodoɔ a ɔbɛba adwuma wɔ bosome no mu na ɔbɛtua no ka.
Na maame no ntaa mma adwuma. Ɛtɔ da bi a, ɔsoma ne babarima ma no bɛka kyerɛ me sɛ ɔremma adwuma. Na ɔtaa pa kyɛw, sɛ ɔremma adwuma efiri sɛ obi aka baabi.
Deɛ na ɔde yi ne ho ano da biara ne owuo. Sɛ ebia ne nuabaa bi awu, ne yɔnko kunu awu anaa ne wɔfa awu. Ɛtɔ da mpo a, na ɛmfa ne ho sɛ ɔbɛkyerɛ ayɔnkofa a ɛda ɔne owufoɔ no ntam. Deɛ ɔta ka ara ne sɛ, "Mepa wo kyɛw obi wuie wɔ yɛn akuraa ase" Afei na wakɔpra. Ɛduruu mmerɛ bi no, na nnawɔtwe biara ɔmma adwuma mprenu. Saa adeɛ yi kɔɔ so ara maa no haa me yie. Mehunuu se anhwɛ a da koro bi mefiri adi no na nnipa nyinaa awu ama ewiase nyinaa ada mpan.
Ɛtɔ da bi mpo a ɔbɛba no na mɛkɔ adwuma dada. Ɔgye nsafoa no firi banbɔfoɔ no ha. Ɔsiesie efie hɔ wie a na wasan de nsafoa no akɔma no.
(a)
Dwuma bɛn na na maame no di wɔ efie hɔ?
(b)
Nhyehyɛeɛ bɛn na wɔayɛ faa n'akatua ho?
(c)
Ɛdeen na maame no de taa yi ne ho ano wɔ adwuma a ɔmma no ho?
(d)
Ɛdeen nti na na maame no soma ne babarima no?
(e)
Pa kyɛw. Aseɛ ne sɛn wɔ akenkansem no mu?
(f)
Fa asɛmfua anaa ɔkasasini kyerɛ asɛm yi ase sɛdeɛ ɛteɛ wɔ akenkansem no mu.aka baabi.
(g)
Adɛn nti na maame no nneyɛeɛ no haa ɔtwerɛfoɔ no?
(h)
Hwan na na ɔhwɛ efie no nsafoa so?
(i)
Na maame no nneyɛeɛ wɔ adwuma no mu te sɛn?
(j)
Fa nsɛmfua a ɛmmoro nson to abasɛm yi din.
PART III
LEXIS AND STRUCTURE
(20 Marks)
Bua nsɛmmisa a edidi soɔ yi nyinaa.
Twerɛ edinnsiananmu a ɛwɔ ɔkasamu a edidi soɔ yi biara mu.
(a)
Ɔhene no hyiaa wɔn anɔpa yi.
(b)
Yɛnim sɛ Onyankopɔn bɔ ateasefoɔ ho ban.
(c)
Akyerɛkyerɛfoɔ no ne yɛn kɔɔ Nkran.
(d)
Mennim deɛ nti a Owura Ofori twee abarimaa no aso.
(e)
Ɔba ayaresabea da biara.
Twerɛ ɔkasamu ahodoɔ yi biara bio, na fa agyinahyɛdeɛ a ɛfata hyɛ baabi a ɛsɛ.
(f)
Ka wo ho
(g)
Adɛn nti na ɛnnɛ woamma sukuu ntem
(h)
Ɔkaa sɛ, Metu kwan.
(i)
ɔkorɔmfoɔ no wiaa m'adaka.
(j)
Wɔkɔɔ nsrahwɛ wɔ Nkran Odwaa ne Bɛkwae.
Twerɛ asɛmfua a ɛne deɛ wɔasane asee wɔ ɔkasamu biara mu no nkyerɛaseɛ bɔ abira.
(k)
Mewɔ yere.
(l)
Abarimaa no foroo bɛpɔ no kɔtee amango.dia boa fie
(m)
Akɔfoɔ no de nkonim baa fie.
(n)
Nnoɔma boɔ ayɛ den nnansa yi.
(o)
Ɔkraman no da ɛpono no ase
Twerɛ ɔyɛfoɔ a ɛwɔ ɔkasamu biara a edidi soɔ yi biara mu.
(p)
Yɛhwɛ wɔn wɔ televihyin so.
(q)
Ɔkraman tuntum no pɔ so anwummerɛ biara.
(r)
Metwerɛɛ krataa no nnora.
(s)
Ɔbɔfoɔ no kum aboa no.
(t)
Yɛn bɔɔlobɔkuo no dii nkoguo wɔ akansie no mu.
Digital Address: GZ-033-0057
King Kotey Road
Teshie - Accra
Ghana
+233 54 753 9118
info@kuulchat.com
© Copyright 2015 - 2026
All Rights Reserved
