Finwaver.com
Your school or business runs better on finwaver.com. Sign up for free one (1) week try.
Afei kɔ so yɛ nea ɛdidi soɔ yi saa ara kɔsi sɛ wobɛbua nsɛmmisa no nyinaa awie.
Yi mmuaeɛ A - D yi mu baako a ɛyɛ na ɛfa Akanfo nkyea, edin, nnabuo ne afahyɛ ho.
1.
Akanfoɔ kyea ɔbaa a wawo foforɔ sɛn?
Adikan
Afirimu
Kuta mu
Akwaaba
2.
Akanfoɔ amammerɛ mu no, wɔkyea firi ......
nifa so
benkum so
akyire
anim
3.
Hwan na Akanfoɔ nkyea no wɔ ayie ase?
Ɔhene
Abusuanin
Okunafoɔ
Mma
4.
Edin a ɛdidi soɔ yi mu deɛ ewɔ he na ɛyɛ apɛntɛdin?
Abrafi
Ɔsɛe
Moosi
Kwaku
5.
Edin Tawia firi ...... mu.
Atoyerɛnkɛm
Awosuo
Awomawuo
Awoɔ-nnidisoɔ
6.
Nna mmienu bɛn na Akanfoɔ frɛ no Dapaa?
Memeneda ne Dwoada
Memeneda ne Kwasiada
Ɛbenada ne Memeneda
Ɛbeneda ne Wukuada
7.
Sɛ Akwasidɛɛ duru a ......
Yɛnnom nsa
Yɛnnidi
Yɛnyɛ ayie
Yɛnsi twene so
8.
Akuapemfoɔ afahyɛ titire ne ......
Odwira
Adɛɛ
Akwammɔ
Kundum
9.
Dwuma bɛn na banmuhene di wɔ ahemfie?
Ɔhwɛ ɔhene fotoɔ so
Ɔhwɛ ma wɔsie ahemfo
Ɔhwɛ ɔhene mfuo so
Ɔno na ɔsiesie ɔhene ho
10.
Obi a ɔnoa ɔhene aduane ne ......
Osoodoni
Ɛsɛn
Ɔkyerɛma
Ɔkra
11.
Yei yɛ ɔkwan a Akanfoɔ fa so kasa kyerɛ nananom.
Wɔka kyerɛ agyanom
Wɔyi apaeɛ
Wɔka kyerɛ mframa
Wɔka kyerɛ Asaase Yaa
12.
Yei yɛ adeɛ a Akanfoɔ taa de yi apaeɛ.
Nsa
Nsuo
Mogya
Pitoo
Yi mmuaeɛ A - D yi mu baako a ɛyɛ na ɛfa Akanfoɔ nsɛnkyerɛnne, ntam, mmɛbuo ne mmrane ho.
13.
Sɛ ɔhene rekɔ ayie na ɔde nsensane tua n'ano a, ɛkyerɛ sɛ ......
ɔrenkasa
ɛkɔm de no
Ne busuani awu
ɔredi awerɛhoɔ
14.
Akanfoɔ akyiwadeɛ baako ne sɛ ......
Obi bɛda kɔm
Obi bɛpra dan mu anadwo
Aberewa bɛkɔ afuom
Obi bɛkyea anadwo
15.
Ata anaa Ataa di kusie a, wɔyɛ no deɛn?
Wɔhwe no
Wɔdwira no
Wɔpam no firi fie
Wɔdi no atɛm
16.
Sɛ yɛka sɛ obi aka ntam a, ɛkyerɛ sɛ waka ɔman, kuro anaa ekuo bi ......
Awerɛhosɛm
Anigyesɛm
Nokwasɛm
Akokrokosɛm
17.
Sɛ obi ka ntam a, ......
Wɔto no kwagyan
Wɔbo n'abaso
Wɔma no kyerɛ aseɛ
Wɔkye no dedua
18.
Toa ɛbɛ yi so, Abɔfra su mpanin su a, ......
ɔtua ka kɛseɛ
ɔnsesa nkonnwa
ɔtua ayiase ka
Wɔbɔ no nsawa
19.
Nsamanpɔmu soakɔduru, wo ni wu a, na ......
W'abusua asa
Woayɛ mmɔbɔ
W'ase ahye
W'adɔfo asa
20.
Tɔntɔnte, Tɔntɔnte, yɛrenom nsa no, na ......
Yɛredi nkummɔ
Yɛrebɔ ka
Yɛreka afisɛm
Yɛrɛfa adwene
21.
Sɛ wɔwo obi Efiada na ɔyɛ ɔbarima a, wɔbɔ no mmrane sɔ ......
Asimpie Asare
Bodua
Ɔteanankaduro
Okyini
22.
Aboa bɛn na wɔbɔ no mmrane sɔ ɛserɛ mu sɛe?
Ɛkoɔ
Kɔkɔte
Gyata
Ɔsono
23.
Sɛ ɔhene bi akyeampoma ahyɛnsodeɛ yɛ sebɔ a, na ɛkyerɛ ......
Ahoteɛ
Anoteɛ
Anoɔden
Aniɛden
24.
Sɛ obi de koogyan bɔ ne ti anaa ne nsa a, na ɛkyerɛ sɛ ......
ɔwɔ anigyeɛ mu
N'agyapadeɛ aka ne nsa
ɔwɔ awerɛhoɔ mu
Ne yere awo asomdwoeɛ mu
Yi mmuaeɛ A - D yi mu baako a ɛyɛ na efa Akanfoɔ nsaguo, atetesɛm, agya. Rekɔ, ayieyɔ ne nnabuo ho.
25.
Sɛ ɔkanni ani gye anaa ɔdi nkonim a, ɔfira ntoma ......
Akokɔsradeɛ
Kɔkɔɔ
Tuntum
Fitaa
26.
Ahonhom ahodoɔ a Akanfoɔ bobɔ wɔn din wɔ nsaguo mu no bi ne ......
onyankopɔn ne nsumankwaa
abosom ne abɔfoɔ
abɔfoɔ ne nsamanfoɔ
onyankopɔn ne nsamanfoɔ
27.
Amponyinamoa yɛ deɛn?
Asaase Yaa mmrane
Ampoma mmrane
Ɔbonsom bi din
Aboa kɛseɛ bi din
28.
Ɔsadwom ho mfasoɔ ne sɔ, ......
ɛyi hu fi akofoɔ no mu
ɛmma kuromma nna
ɛboa adwumayɛ
ɛma ɔsa no sɔ
29.
Kuro bɛn so na Denkyira hene Ntim Gyakari dii nkuguo?
Kumawu
Kumasi
Asantemanso
Feyiase
30.
Agya rekɔ no, ogyaa me adeɛ bi, sɛ ɛsi hɔ a, na anane, sɛ ɛka egya pɛ na ada. Ɛyɛ deɛn?
Nkuto
Adwengo
Nkwan
Kosua
31.
Agya adeɛ bi wɔ hɔ, sɛ ɛtɔ fam a, nnipa baanu ntumi mfa gye sɛ onipa baako pɛ. Ɛyɛ deɛn?
Sika
Sekan
Paneɛ
Dua pa
32.
Sɛ obi wu a, ɛdi adaduanan ansa na abusuafoɔ ......
agu nsa
apamo mma
ato ne nna so
abue n'adaka so
33.
Sɛ yɛka sɛ obi afa owufoɔ bi toa a, na ɛkyerɛ sɛ ......
wasie owufoɔ no
wafa owufoɔ no afuo
wadi owufoɔ no adeɛ
waware owufoɔ no yere
34.
Edin bɛn na yɛde ma ayie a amu no da hɔ?
Dɔteyie
Asonyie
Abɔfoyie
Atɔfoyie
35.
Kwaeɛ mu adwumayɔ, merentumi borɔdeba ...... yɛ
Akɔmfodwom
Adwumayɛdwom
Abagyegyedwom
Kwadwom
36.
Sisire mbom, tabon mbom ...... yɛ dwom a ɛfa adwuma bɛn ho?
Kuadwuma
Ahayɔ
Namyie
Abɛtwa
37.
Saa dwom yi fa ɔtomfo ho.
Adonko fa no kɔ ooo!
Ɔrebɔ ne dade so kyan, ...
Sisire mbom, tabon mbom
Kro hin kro ...
38.
Abagyegye nnwom boa ma ......
mmɔfra nte kɔm
awofoɔ didi yie
mmɔfra ani agye
awofoɔ da ntɛm
39.
Nnafua sɛn na ɛwɔ bosome Ɔbɛnem mu?
Aduonu-nwɔtwe
Aduonu-nkron
Aduasa
Aduasa-baako
40.
Bosome a ɛtwa toɔ wɔ afe mu afe mu ne ......
Ɔpɛnimaa
Ɔpɛpɔn
Oforisua
Ɔsannaa
PART I
COMPOSITION
(30 Marks)
Yi deɛ ɛdidi soɔ yi mu baako pɛ na fa nsɛmfua bɛyɛ 150 twerɛ ho asɛm
(a)
Kyerɛ sɛnti nnan a wobɛpɛ sɛ wokɔ Ntoasoɔ Sɔkuu (SHS) pɔtee bi berɛ a woawie Junior High School.
(b)
Woyɛ wo gyinapɛn sofoɔ panin. Kyerɛ sɛnti nnan a ɛsɛ sɛ wo mfɛfoɔ no ba sukuu ntɛm.
(c)
Twerɛ lɛtɛ kuma w'adamfo a ɔwɔ sukuu foforɔ mu na kyerɛ no w'adamfo a wopɛ n'asɛm pa ara ho asɛm. Kyerɛ sɛnti mmienu a wopɛ n'asɛm.
(d)
Kyerɛ sɛnti nnan a wopene anaa wompene mmaatwa so wɔ Mfitiaseɛ Sukuu mu.
PART II
COMPREHENSION
(10 Marks)
Kenkan deɛ ɛdidi soɔ yi na bua nsɛmmisa no nyinaa.
Ɔpanin bi tenaa ase a na ɔwɔ yerenom baanu. Ɔwaree ne yere panin no, mfeɛ num akyi na ɔwaree kumaa no nso. Na ne yere kumaa no yɛ obonini. Ne yere panin no deɛ na ɔyɛ ɔwofoɔ a ɔwɔmma baasa.
Na ɔpanin yi a ɔyɛ okuani no wɔ mfuo akɛseɛ mmiɛnsa. Ɔde mfuo no mu mmienu maa ne yerenom no sɛ wɔnyɛ mu nnwuma mfa. Obiara yeree ne ho yɛɛ ne deɛmu adwuma. Sɛ wode mfuo mmienu no toto ho a,kumaa no deɛ yɛɛ frɔmfrɔm senee ɔpanin no yei maa kumaa no bɛyɛɛ osikani maa ne werɛ firii awerɛhoɔ a na ɔdi wɔ awoɔ a na ɔnwo no ho. Na ɔtaa de ne sika totɔ ntadeɛ ma ne kora mma no.
Ɛduruu mmerɛ bi no, ɔyere kumaa no hunuu sɛ nsakyeraeɛ aba ne kora no nneyɛɛ mu. Ne saa nti, ɔyere kumaa no yɛɛ n'adwene sɛ ɔnyɛ ade pa biara a ɛbɛsɔ ne kora no ani bio.
Ɛbaa saa no, anwanwadeɛ bi sii ɔyere kumaa no afuom hɔ. Mmoa bi hyɛɛ aseɛ sɛee n'afuo no maa no kɔbɔɔ ne kunu amanneɛ.
Yei maa ne kunu no kɔɔ afuom hɔ hɔhwɛɛ deɛ asie no. Ɔhunuu Ɔnwansane kɛseɛ bi sɛ ɔresɛe afuo no, ɔgyenee n'ani hwɛɛ Ɔnwansane kɛseɛ no too ne tuo. Aboa no danee nipa a na ɔsɛ ne yere panin no. Ɔpanin no ho dwirii no yie.
(a)
Ɔpanin no yere mu hwan na ɔyɛ obonini?
(b)
Na ɔpanin no mma yɛ sɛn?
(c)
Wogye di sɛ deɛn nti na ɔpanin no de mfuo no mu mmienu maa ne yerenom no?
(d)
Kyerɛ saa asɛm yi ase sɛdeɛ ɛteɛ wɔ ayɛsɛm no mu: frɔmfrɔm.
(e)
Adɛn nti na ɔyere kumaa no yɛɛ n'adwene sɛ ɔmmoa ne kora mma no bio?
(f)
Anwanwadeɛ sononko bɛn na ɔyere kumaa no hunuu wɔ n'afuo no mu?
(g)
Adɛn nti na ne kunu no too ɔnwansane kɛseɛ no tuo?
(h)
Ɔpanin no too ɔnwansane kɛseɛ no tuo no, anwanwadeɛ bɛn na esiiɛ?
(i)
Adesuadeɛ bɛn na wosua firii ayɛsɛm no mu?
(j)
Fa nsɛmfua a ɛmmoro nson to ayɛsɛm no din.
PART III
LEXIS AND STRUCTURE
(20 Marks)
Yiyi nsɛmmisa a ɛwɔ ɔfa ha yi nyinaa ano.
Fa nkabomdeɛ a ɛfata hyɛ baabi a wɔagya wɔ ɔkasamu no mu
(a)
Adam ...... Abu bɛba.
(b)
Ebia Simli ...... Aisha na ɔbɛsoa adaka no.
(c)
Yɛahunu polisini no ...... yɛnhunuu ɔkorɔmfoɔ no.
(d)
Merenkɔ fie ...... menni sika.
(e)
Yarefoɔ no ntumi nnante ...... wofa no.
Twerɛ nsɛmfuakuo a ɛdidi soɔ yi mu biara ho nhwɛsoɔ baako
(f)
Din pa;
(g)
Edin a yɛnhunu;
(h)
Adeyɔ
(i)
Edin nkyerɛkyerɛmu;
(j)
Edinnsiananmu.
Twerɛ nsɛmfua a wɔatwitwa aseɛ wɔ ɔkasamu a ɛdidi soɔ yi mu biara abirahɔ
(k)
Kande yɛ abaayewa a ne ho yɛ fɛ
(l)
Ɔkyerɛkyerɛfoɔ no twaa asuafoɔ no dwumadie no ntɛmntɛm
(m)
Asuafoɔ no so panin no nim adeɛ pa ara.
(n)
Hei Akua! Tena ha.
(o)
Halim hyɛ atadeɛ tenten.
Twerɛ edin nkyerɛkyerɛmu a ɛwɔ ɔkasamu a ɛdidi soɔ yi biara mu
(p)
Ɔhene no tɔɔ pɔnkɔ fitaa.
(q)
Ɔbaa a ɔbɔ duku akokɔsradeɛ no yɛ me maame.
(r)
Yɛn kyerɛkyerɛni yɛ ɔbarima nyansafoɔ.
(s)
Papa tiatia no yɛ lɔyani.
(t)
Amango a abere biara nni dua no so.
Digital Address: GZ-033-0057
King Kotey Road
Teshie - Accra
Ghana
+233 54 753 9118
info@kuulchat.com
© Copyright 2015 - 2026
All Rights Reserved
